Ola familias!
Por desgracia, aínda non podemos voltar ao cole como sería o noso desexo e, seguro, que tamén o voso. Por iso, dende o equipo de Ed. Infantil, pensamos en ofreceros a posibilidade de, ademais, das actividades que vos propoñemos aquí no blog con enlaces a distintas fichas, xogos, contos..., unha actividade un pouco máis estructurada para facer cos vosos fillos e fillas na casa, que iremos metendo no blog cada semana ou quince días. Como sempre, estas actividades son totalmente voluntarias. En ningún caso pretendemos que agobiedes aos nenos-as neste momento tan complicado para eles e tan difícil de entender. Só é unha opción máis para reforzar o que xa sabían e para que non perdan a rutina de facer algo de traballo individual todos os días. Vos mesmos, elexide o momento ou o traballo que queredes que fagan.
Xa sabedes que se necesitades poñeros en contacto con nós, podedes facelo a través da aplicación de ABALAR, ou a través do correo electrónico infantilivillar@gmail.com
Aquí vos deixamos unha breve explicación da actividade:
E, aquí, vos deixamos o traballo que vos propoñemos hoxe. Pinchade no enlace para acceder a el. Empezamos pola carpeta chamada DÍA 1:
Tamén vos deixamos un recopilatorio de contos en Youtube (Blog vivencias con la Seño Nuria). Podedes atopar os contos favoritos dos nenos e nenas e tamén outros moi adecuados para os alumnos-as de 6º de Ed. Infantil, para traballar a lectoescritura.
