Este ano, debido á situación creada pola pandemia, non tivemos a oportunidade de facer a nosa xornada de portas abertas para as familias de futuros alumn@s. Por iso, queremos darvos a oportunidade de que vexades un pouco como somos e o que facemos.
Somos un equipo de mestras e mestres con gran ilusión e moitas gañas de seguir ensinando.
Os nenos e nenas de 4º de Ed. Infantil, debuxando con rotuladores fluorescentes experimentaron coa escuridade. Debuxo libre, creatividade, experimentación, maxia.
PREPARAD@S...
Achegámonos á celebración do Día Internacional da Muller, o 8 de marzo e, dende o equipo de Dinamización Lingüística do noso cole, propóñennos unha fermosa actividade conxunta para todo o alumnado do centro. Tedes a información na seguinte nota.
ANIMÁDEVOS A PARTICIPAR!!!!
Como cada 24 de febreiro, festexamos o DÍA DE ROSALÍA, conmemorando o aniversario do seu nacemento. Os alumnos e as alumnas de Ed. Infantil quixeron homenaxear á nosa escritora máis ilustre.
Cos seus traballos...
Hoxe, 21 de febreiro, conmemórase o "Día da Lingua Materna". Parabéns a todas as galegas e galegos pola nosa lingua.
Aínda que este ano o Entroido é moi diferente, non deixamos de seguir durante esta semana, as ordes do MECO, facer máscaras e antifaces e tamén, lucir os nosos disfraces favoritos o venres.
Esta semana tamén aproveitamos para elaborar varios experimentos cos nosos "pequen@s científic@s", conmemorando o Día da Muller e a Nena na Ciencia:
1º Presentamos o experimento: "Imos convertirnos en científic@s", "Imos experimentar".
2º Presentamos e describimos os materiais que precisamos para facer o experimento.
3º Facemos o experimento explicando os pasos e, no seu caso, as medidas necesarias.
4º Que pasou? Saiu o que esperabamos?
Observamos, falamos, pensamos, tomamos medidas, contamos, tocamos e manipulamos..., e nos días posteriores, representaremos graficamente o que fixemos.
Experimento "Descomposición de cores", Experimento "Electricidade Estática con globo", Experimento "Facemos neve"
Este xoves, día 11, como cada ano, celébrase o "Día da muller e a nena na ciencia", establecido pola ONU. Oxalá haxa moitas nenas que queiran convertirse en científicas no futuro.
Nestes vídeos podemos ver a historia dalgunhas das científicas máis destacadas da historia.
Hoxe, á volta do recreo, atopámonos cunha sorpresa. Xa que na nosa cidade é difícil que neve, a "neve" chegou á nosa aula. Estamos no inverno, todo pode pasar. Experimentamos, probamos, manchámonooos. Sensacións e diferentes texturas: brando ou duro, suave ou rugoso, frío ou quente. É igual que a neve de verdade? Xogamos e tamén aprendemos. Debuxamos e escribimos na neve. Creatividade e, por suposto, diversión.
5ºA ED. INFANTIL
Xa está o MECO no noso cole disposto a dar as súas ordes. Facédelle caso porque senon, vaise enfadar moito 😄😄😄😄😄😄
