Chegamos ao final do 2º Trimestre e preparamos os libriños de traballos que con moita ilusión levaremos a casa para compartir coas nosas familias, como fixeron os nos@s peques de 4º de Infantil.
Aproveitando o bo tempo desta última semana do trimestre, o alumnado de Infantil quixo dar a benvida á Primavera decorando o patio cos seus debuxos.
O 21 de Marzo celébrase o Día Mundial da Poesía, e para conmemoralo, os voluntarios e voluntarias da Biblioteca do noso cole acudiron ás aulas de Educación Infantil para recitar diferentes poemas. Pinchando na imaxe podedes acceder ao blog da biblio onde veredes máis.
Seguimos recibindo a familiares dos nosos alumn@s, como Beatriz, nai de Ari de 5ºA de Infantil, participando na actividade "AS FAMILIAS CONTAN". (Pinchando na imaxe podedes ver máis no blog da biblioteca).
Xa estamos rematando o inverno, e os nenos e nenas de 5º de infantil, experimentando co xeo, crearon un bonito mural.
Diseño
O pasado venres 8 de Marzo, celebramos unha data moi especial: O "Día Internacional da Muller". Durante toda a semana realizamos actividades para preparar este día.
O alumnado de 5º de Primaria representou dúas obras de teatro aos nen@s de Infantil.
E, despois de facer diferentes "traballiños" nas aulas, tod@s xunt@s saímos á pista para reclamar Igualdade para todas as mulleres.
Durante o mes de Febreiro, dende a Biblio de IRVI, levouse a cabo unha nova edición da Biblio CONciencia, para festexar o Día da Muller e a Nena na Ciencia. Pinchando na seguinte imaxe, podedes ver aos nosos peques de infantil desfrutar realizando diferentes experimentos.
O mes de febreiro que acabamos de rematar, festexamos un montón de aniversarios dos nosos peques de infantil.
PARABÉNS A TOD@S!
Cada 23 de Febreiro, día do seu aniversario, queremos lembrar á nosa escritora máis universal Rosalía de Castro.
Queremos compartir o vídeo de presentación para a Xornada de Portas Abertas, celebrada no noso cole esta semana. Grazas a todas as familias e, sobre todo, aos nosos peques por facernos desfrutar cada día da aventura de ser Mestras. Seguen sorprendéndonos cada vez máis!!! 💓💓💓💓💓💓
