Durante estes días estamos a realizar diferentes actividades para celebrar o Día do Libro, que este ano caeu en fin de semana. Pinchando na seguinte imaxe podedes acceder ao blogue da Biblioteca no que están publicadas imaxes, vídeos dos nenos e nenas de Educación Infantil participando nestas actividades e doutras que faremos nos vindeiros días.
A Primavera ven chea de cor e motiva a creatividade e a experimentación dos nosos alumnos e alumnas, como neste caso, os nenos e nenas de 6º de Ed. Infantil que xogan coa auga e as pinturas descubrindo novas cores.
Os alumn@s de 5º de Ed. Infantil fixeron a súa propia representación do cadro A Primavera do famoso pintor italiano Arcimboldo. Experimentación con elementos naturais. As cores da primavera. Coñecendo diferentes obras de arte e distintas técnicas pictóricas (pintura, mosaico, collage...).
Quedáronlle moi ben!!!💓💓
Chegaron as vacacións e os nenos e nenas de 5ºA de Ed. Infantil despediron o trimestre levando para casa estes simpáticos "Coelliños de Pascua".
Neste curso en Educación Infantil queremos aproveitar a Primavera para ter o noso propio HORTO. Unha experiencia para fomentar a educación para a saúde a través dos bos hábitos alimenticios, o contacto coa natureza, a importancia do seu coidado e o respecto polo medio ambiente. Todos os nenos e nenas de educación infantil esta semana participaron nesta actividade plantando amorodos, leitugas e allo porros que esperamos crezan moito cos seus coidados nas vindeiras semanas.
Coa nova estación chegan novas propostas de aprendizaxe con pezas soltas, traballando a motricidade fina e a creatividade como fan os alumn@s de 5º de Ed. Infantil.
Os nenos e nenas de 3 anos tamén celebraron a chegada da Primavera elaborando entre tod@s un bonito mural para decorar a súa aula.
Hoxe Eira, unha alumna de 5ºA de Educación chegou ao cole cun agasallo para a súa profe e compañeir@s, un fermoso ramo de MARGARIDAS.
Foi unha gran motivación para saír ao patio e debuxar as nosas propias margaridas a partir dun modelo natural e real. Quedaron moi fermosas as súas obras de arte.
