"FELICES FESTAS"

 

"NADAL 2022"

A época do Nadal está chea de ilusión para os nosos alumnos e alumnas de Educación Infantil. Durante estes días realizamos moitas actividades para celebrar estas festas e preparámonos con moitas gañas para o Festival do último día.

Moitas grazas a todas as familias que nos axudastes a decorar o cole cos vosos adornos feitos con material de refugallo.

E, por suposto, non puido faltar a Visita de Papá Noel que tanta ilusión lle fixo aos nosos peques.

"ANIVERSARIOS MES DE DECEMBRO"

No derradeiro mes do ano tamén celebramos aniversarios dos nosos alumn@s, algúns deles serán durante as vacacións, pero quixeron convidar aos seus compañeir@s de clase antes do Nadal. Neste caso foron Mireia, Ali e Sula os que celebran os seus 5 aniños.

“ANIVERSARIOS 1ºTRIMESTRE 5 ANOS B”

Na clase de 5 anos B durante este trimestre festexaron os aniversarios de Rodrigo, Dani, Álex, Sara e Haitam. PARABÉNS!!!!

"AS FAMILIAS CONTAN": BEATRIZ E ARIADNA

Hoxe tivemos unha nova sesión de contacontos das familias dos nos@s alumn@s. Nesta ocasión foron Beatriz e Ariadna de 4º de Infantil as que nos contaron dous contos marabillosos: "Un día de Neve" e "A veces mamá tiene truenos en la cabeza".

"ANIVERSARIOS MES DE NOVEMBRO"

No mes de novembro celebramos os aniversarios de...

E, non queremos esquecernos de Sheila, Yair e Claudia que estiveron de aniversario durante as vacacións de verán, pero tamén o quixeron celebrar cos seus compañeir@s no cole.

"AS FAMILIAS CONTAN: MARTA E ANXO"

Por fin, despois dos últimos cursos obrigados pola situación sanitaria, retomamos a actividade "As familias Contan". Familiares dos nosos alumn@s visitan o noso cole para contarnos os seus contos favoritos. Nesta ocasión foi Marta, mamá de Anxo de 4ºA de Ed. Infantil, a que nos contou dunha forma marabillosa os contos A Cebra Camila e A Eiruguiña comellona.

"25N: DÍA INTERNACIONAL CONTRA A VIOLENCIA DE XÉNERO"

Como cada 25 de novembro, o CEIP P. IRMÁNS VILLAR, quere demostrar o seu rexeitamento á Violencia de Xénero:

 PISANDO FORTE CONTRA A VIOLENCIA DE XÉNERO

"MAGOSTO 2022"

Despois do Samaín, chegou o MAGOSTO. Durante toda a semana preparámonos para a festa do xoves, na que comemos castañas e cantamos e bailamos acompañados dos alumnos e alumnas de 5º e 6º de Primaria. Veunos de marabilla a súa axuda para pelar as castañas e os nosos "peques" estaban encantad@s coa súa compañía. 

"VISITA DE ASANOG CON SPIDERMAN"

Onte, martes, tivemos a sorte de recibir a visita de membros de ASANOG (Asociación de Axuda a Nen@s Oncolóxicos de Galicia). Con Lucía e SpidermanVigo, a través do conto de Gasparín, os nenos e nenas de infantil puideron entender un pouco a realidade doutros nen@s que, por desgracia, teñen que vivir esta enfermidade. E, todos xunt@s celebramos que o noso alumno SuperDaniel xa venceu a enfermidade. PARABENS!!!

Moitas grazas a ASANOG e á mamá de Dani.

"NOVEMBRO, MES DA CIENCIA EN GALEGO NAS BIBLIOTECAS"

Durante todo este mes, na Biblioteca NOS da nosa cidade haberá actividades dedicadas aos máis pequen@s relacionadas coa ciencia. Podedes ver a lista pinchando na seguinte imaxe. 

"PROXECTO 1, 2, 3 A XOGAR!! 5º EDUCACIÓN INFANTIL"

Os nenos e nenas de 5º de Ed. Infantil pasárono en grande co proxecto "1, 2, 3 a xogar", adicado ao coñecemento dos xogos tradicionais. 

"ANIVERSARIOS MES DE OUTUBRO"

 No mes de Outubro celebramos os aniversarios de...

"UN OUTONO CHEO DE ARTE"

Os alumn@s de 6ºA de infantil encheron a súa aula de OUTONO amosando as súas dotes artísticas con todo tipo de elementos naturais desta estación.

"SAMAÍN 2022"

 A semana de celebración do Samaín estivo chea de actividades: disfraces, cabaciñas, merendas montruosas... Aquí vos deixamos un resumo das imaxes que nos deixaron estes días os nenos e nenas de Ed. Infantil nalgunhas delas.👻👻👻👻

AS CABAZAS DE SAMAÍN

AS MERENDAS MONTRUOSAS

A FESTA DO VENRES DE SAMAÍN

EXPERIENCIAS SAMAÍN 4º INFANTIL

Os alumn@s de 4º de Infantil tiveron varias actividades relacionadas con esta celebración a través das cales traballaron a motricidade fina, a creatividade, as cores do Outono e o Samaín.

Ademais, estes días todos os nen@s de Ed. Infantil tamén o pasaron moi ben cos "Contos de Medo" que lles contaron na Biblioteca os alumn@s de 5º e 6º de Primaria. Podedes ver algunhas fotos e vídeos pinchando na seguinte imaxe.

“ANIVERSARIOS MES DE SETEMBRO “

Durante o mes de setembro comenzamos o curso celebrando varios aniversarios dos nosos alumnos e alumnas.

ROI, SENA E MARCOS

3 ANOS 

ROI

5 ANOS

"INICIO DE CURSO"

Despois das vacacións de verán volveron a encherse as aulas do noso colexio.  Houbo algún choro pero, os sorrisos e as gañas de volver a verse foron maioría.

Durante estes primeiros días os alumn@s de 6º de Ed. Infantil fixeron actividades como un collage de froitas para dicirlle adeus ao verán ou un repaso á descomposición do número. 

E, por suposto, as imaxes dos máis peques, os alumn@s de 4º de infantil, empezando esta nova etapa da súa vida educativa.

Despois do período de adaptación, xa todos xunt@s, comezaron coas novas experiencias como as primeiras "Propostas" de aprendizaxe: Trasvase de líquidos, grafomotricidade, coordinación visomotora, creatividade.